Tərkibi:
Xəmir:
100 q kərə yağı və ya marqarin
100 q xama
1 yumurta
2 st. un (500 q)
2 ç.q. qabartma tozu
1 çimdik duz

İç:
100 q salyami
1 qabaq
1 badımcan
3 diş sarımsaq

Üzərinə:
100 ml qaymaq
3 yumurta
duz
ədviyyat
bərk pendir

Hazırlanması:
Yağı əridin, yumurta və xamanı əlavə edin. Az-az qabartma tozu və duzla qarışdırılmış un əlavə edin. Yumşaq xəmir yoğurun.

Xəmiri 24-26 sm diametrli siniyə döşəyin. Kənarlarını qaldırın. İçində xəmir olan formanı soyuducuya qoyun.

Xəmir soyuyanadək içi hazırlayın.

Qabaq və badımcanı 0,5 sm qalınlıqda fal-fal doğrayın. Bitki yağında hər iki üzünü qızardın (yarımbişmiş olsun). Duz vurun.

Salyamini xırda doğrayın.

Qaymaqla yumurtaları qarışdırın, duz və ədviyyat əlavə edin. Yaxşıca qarışdırın.

Qabaq və badımcan dilimlərini, salyamini xəmirin üzərinə dairəvi şəkildə növbələməklə düzün. Xırda doğranmış sarımsaq səpin. Yumurta-qaymaq qarışığını üzərinə tökün, sürtgəcdən keçirilmiş pendir səpin. Sobada 35-40 dəqiqə bişirin.

Nuş olsun!