Ekvadorda kartofdan onlarla, yüzlərlə təam hazırlayırlar. Bunların çoxu
barədə Avropada heç eşidilməyib də. Lokro şorbası bu ölkədə çox
məşhurdur.
Tərkibi:
1 kq təmizlənmiş kartof
1 baş soğan
1 avokado
1 ç.q. sarıkök (yerli açiote ədviyyatının əvəzinə)
2 x.q. qaymaq
2 st. süd
5 st. su və ya bulyon
duz
zirə
oreqano
Hazırlanması:
Tavada yağda xırda doğranmış soğanı, zirə və oreqanonu qovurun, kubik doğranmış kartofu əlavə edib 5 dəqiqə qızardın.
Süd və qaymaq əlavə edib 10 dəqiqə bişirin. Su və ya bulyonu əlavə edib kartof yumşalanadək bişirin. Kartofu azacıq əzin.