Su börəyinin asan hazırlanma qaydası

Müəllif: Mr. OffiCeR
Şərhlər: 7
Baxılıb: 2 800
Səs ver:
(səs: 2)
Su börəyi Türkiyə mətbəxinin ən sevilən, ancaq hazırlanması çətin olan yeməklərindən biridir. Bəs su börəyi necə bişirilir?

Lazım olan ərzaqlar:
1 kilo un
150 qram kərə yağı
1 su stəkanı duru yağ
5 yumurta
Yarım kilo ağ pendir
Yarım dəstə cəfəri
Duz
Su

Hazırlanması:
Bir qaba tökdüyünüz unun ortasını hovuz kimi açın. Yumurtanı ortasına qırın, duzunu tökün, az-az su əlavə edərək yoğurmaya başlayın. Xəmir qatı olmalıdır. 10 dəqiqə ara verib təkrar yoğurun. Bir 10 dəqiqə daha yoğurduqdan sonra xəmiri 12 bərabər kündəyə ayırın.

Bu sırada içini hazırlayın. Pendiri rəndələyib nazik doğradınız cəfəri ilə qarışdırın.

Qazana su doldurub bir desert qaşığı duz tökərək qaynadın. Başqa bir qaba da soyuq su tökün. Bir tavada kərə yağını əridib duru yağla qarışdırın.

Kündələri bir-bir tava böyüklüyündə yayıb açın. İlk lavaşı tavaya sərin.

Açdığınız lavaşları bir-bir əvvəl isti suda bir dəqiqə qaynadın, sonra soyuq suya atın. Dərhal da bir süzgəclə çıxarıb tavaya sərin. Yağladıqdan sonra ikinci lavaşa keçin. Orta qata çatanda pendiri səpin. Son lavaşı qaynatmadan sərin, üzərini qalan yağla yağlayın.

Tavanı ocağa qoyub vam odda çevirərək bişirin. Altının bişdiyinə əmin olun. Üzərinə başqa bir tava keçirib alt-üst etdikdən sonra digər tərəfini də vav odda bişirin.

Nuş olsun!
(səs: 2)
Şərhlər: 7
Baxılıb: 2 800
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri