Yaz və yay aylarında əsasən rəngli geyimlər dəbdə olur. Qış aylarında cins, qara və ya qəhvəyi şalvar geyinənlər belə yazda parlaq çalarlara üstünlük verirlər.
 
Bu yaz qırmızı, narıncı, çəhrayı, yaşıl, göy və sarı rənglərdə olan şalvarlar dəbdə olacaq. Çiçək və yarpaq naxışları ilə bəzənən şalvarların da diqqət mərkəzində olması gözlənilir. Xüsusilə, romantik üslubda geyinməyi xoşlayanlar qarderoba belə şalvarlar daxil edə bilərlər.
 
Çiçək printləri ilə bəzədilmiş şalvarları açıq rəngli, sadə köynəklərlə geyinmək olar. Tək rəngli şalvarları isə bər-bəzəkli koftalarla tamamlaya bilərsiniz.
 
Çanta və ayaqqabı seçimində isə rənglərin uyğunluğuna fikir vermək lazımdır.