Alimlərin apardıqları araşdırmalar nəticəsində məlum olub ki, kofein insan qanındakı estrogenin səviyyəsinə təsir edir.
“Sctientist”ə istinadən verilən xəbərdə bildirilir ki, hər gün bir fincan (200 milliqram) yaşıl çay içən qadınların qanında estroqen miqdarı çox olur və bu, kişiləri cəlb edən spesifik feromonların ayrılmasına səbəb olur.
ABŞ-dakı Milli Uşaq Səhhəti və İnsan İnkişafı İnstitutu, Yuta və Nyu-York universitetlərinin birgə tədqiqatlarının nəticələri belədir.
Kofeini artırmaq üçün qəhvə içən xanımlar isə ehtiyatlı olmalıdır. Belə ki, asiyalı qadınlar qəhvə içəndə onların qanlarında estrogen artırsa, ağdərili qadınlarda əksinə, aşağı düşür.