Bir çox qadında rast gəlinən bu narahatlıq, psixoloji səbəblərlə yanaşı hormonal pozğunluq səbəbi ilə də yarana bilər. Bu problemin,yəni seksual oyanma pozğunluğunun nəticələri qadının vaginal ifrazatınin azalması, vaginada quruluq və ya cinsi istəyin azalması kimi özünü biruzə verir.

Qadınlarda cinsi əlaqəyə istək olmasına baxmayaraq, seksual oyanma pozğunluğunun nəticəsi olaraq zaman-zaman və ya mütəmadi şəkildə,cinsiyyət orqanında lazımi dərəcədə bir nəmlənmə və qabarma reaksiyasının olmaması çox narahatlıq yaradır.

Bu vəziyyət,qadının əhvalında nəzərə çarpan bir gərginlik yaratmaqla yanaşı,cütlərin intim həyatında da çətinliklərə gətirib çıxarar. Nəticə olaraq qadın cinsi əlaqədən 'zövq' ala bilməmə vəziyyətinə gəlir.

Qadınlarda seksual oyanma pozğunluğunun səbəbləri nələrdir?

Ən çox rast gəlinən səbəblərdən biri mövcud olan bir psixi xəstəlik, bəzi dərman preparatlarının istifadəsi və ya bəzi somatik,infeksion xəstəliklərdir. Diabet, siqaret çəkmək, cinsi yolla yoluxan xəstəliklər seksual oyanmaya mənfi təsir edə bilər. Həmçinin ,qadınlarda süd verən dövrdə də vaginal ifrazatın azalması və yetərincə nəmlənmə ola bilməməsi açıqlanıb. Menopauza dövründə və daha sonrasında estorgenin azalması da seksual oyanmanı çətinləşdirə bilər.

Bəzi dərmanlar da seksual oyanmanı poza bilər.

Dərmanlar içərisindən antidepressantlar, antihipertensivlər və antihistaminlər digərləri ilə müqayisədə daha çox bu yan təsirə malikdir.

Seksual oyanma pozğunluğu, vaginada quruluq nə kimi narahatlıqlara səbəb olar?

Bu problemi olan qadınların ən böyük şikayəti vaginal quruluq, ifrazat azlığı və bununla əlaqədar cinsi əlaqənin ağrılı olması və orgazm ola bilməməkdəndir. Seksual oyanma zamanı qadınlarda cinsiyyət orqanları bölgəsində damarların doluqanlılığı hesabına dolğunlaşma, vaginada nəmlənmə və genişləmə, xarici cinsiyyət orqanında isə şişkinlik meydana gəlir ki ,bütün bunlar cinsi əlaqəyə hazırlıq sayılır. Bu proseslərin baş vermədiyi hallarda isə cinsi əlaqə zamanı qadın ağrı hiss edir və təbii olaraq cinsi əlaqəyə qarşı istəksiz olur, əlaqədən zövq, həzz ala bilmir və bu da cütlər arasında bəzi narahatlıqlara və gərginliklərə yol aça bilir. Bəzi araşdırmalara görə testosteron, estrogen, prolaktin və tiroid hormon səviyyələrində fərqli nəticələr müəyyən olunmuşdur.Seksual oyanma pozğunluğu olan qadınlarda vaginal nəmlənmə və həmçinin genişləmə olmadığı kimi erotik duyğular da hiss edə bilmirlər,daha dəqiq desək ehtiras hissi onlara yad olur. Fiziki təmas ikrah hissi oyada bilər və ya müəyyən bir həddə qədər təmas zövq verə bilər.


Seksual oyanmada problem varsa orqazmla əlaqədar də problem olacaq.

Aparılan bir araşdırmada xoşbəxt evlilikləri olan qadınların 33%-i seksual oyanma pozğunluuğu olduğu müəyyənləşdirilmişdir. Menopauzadan sonra nəmlənmə prosesinə daha uzun zaman lazımdır. Nəmliyin azalması ,bundan əlavə diabet xəstələrində, kiçik çanaq orqanlarının radioterapiyasını qəbul edənlərdə, atrofik vaginitdə və əmizdirmə dövrü əsnasında müşahidə oluna bilər. Bəzi qripp və allergiya dərmanları və köhnə nəsil antidepressant dərmanlar da oxşar dinamikaya yol aça bilərlər. Bu narahatlığı cinsi istəksizlik və orqazm pozğunluğu da müşayiət edir.

Seksual oyanma pozğunluğu,uşaqlıq yolunu quruluğu necə müalicə edilər?

Rahat və problemsiz bir cinsi həyat üçün maneə yaradan seksual oyanma pozğunluuğu və vaginada quruluq müalicə edilməlidir. Müalicədə ilk variant seksual oyanmanı artırmağa yönəldilmiş prosseduralardır. Genital bölgəyə qan axınını artıraran və ya vaginal ifrazatın artımını asanlaşdırmağa xidmət göstərən məhsullar üzərinə təcrübələr davam etsə də,bunlar hələ də eksperimental səviyyədədir. Bəzi damar genişlədici kremlərin seksual oyanmaya müsbət tətsir etdiyi müəyyənləşdirilmişdir. Simpatik sinir sistemini qıcıqlandıran dərmanlar, yohimbin, sildefanil kimi peroral(ağızdan)qəbul olunan dərmanlar da araşdırılır. Bu dərmanlar qan axınını artıraraq və ya sinir sisteminin bəzi hissələrini qıcıqlandıraraq təsir göstərir. Efedrin isə seksual oyanmanı və orqazmı artıra bilər. Ancaq dərman preparatının yan təsirlərini də nəzərə alaraq,bu preparatın istifadəsi bir qədər məhdudlaşdırlmışdır.
Belə bir müalicəyə həkimlə məsləhətləşərək qərar verilməlidir.