Sağlam qidalanmaq üzrə türkiyəli həkim Fevzi Özgönül meyvələrin faydalı təsir gösgtəridiyi saatları açıqlayıb.

Qadınla.Com xəbər verir ki, bədən ağlı ilə arıqlamaq modelini təklif edən məşhur həkim bir çox meyvələri səhər yeməyində istifadə etməyi məsləhət görüb.

Tut
Tut əsl vitamin deposu hesab olunur, səhər yeməyi üçün əlverilişdir, lakin artıq çəki problemi yaşayanlara az miqdar yeməyi tövsiyə edirəm.

Şaftalı
Yazın ən şirin meyvələrindən biridir. Əgər çəki probleminiz varsa, bir müddət uzaq durun. Meyvə kimi axşamüstü qatıqla qarışdırıb, təbii yoqurt hazırlayaraq yemək daha faydalıdır.

Qovun
Qovun da qarpız kimi çətin gec həzm olunur. Eyni zamanda, çox şirin bir meyvə olduğu üçün çox yeməyi məsləhət görmürəm. Yaz aylarında axşam yeməklərində az miqdarda şirniyyat yerinə yerinə yemək olar. Xüsusilə dondurma sektorunda çox istifadə edilir. Axşam üstü sərinləmək üçün qatıqla da yemək olar.

Alça
Şirin və turş növləri var. Şirin alçanın dadında şəkər hiss edilməsə də, çox yemək olmaz. Ən azından artıq çəkilərdən xilas olana qədər. Günorta saatlarında yeyilməsi daha faydalıdır, axşamlar köp yaradır.

Üzüm
Üzüm şəkəri çox yüksək olan meyvədir. Bu baxımdan gün batana qədər, xüsusilə səhər yeməyində yemək məsləhətdir. Axşamlar isə yenə qatıqla qarışdırıb yeyə bilərsiniz.

Qarpız
Çox sulu bir meyvə olduğu halda, zənn edildiyinin əksinə olaraq həzmi çox çətindir. İsti yay aylarında günəşin altında tərkibindəki suyu qorumaq üçün çox möhkəm quruluşa malikdir. Odur ki, gecə yeyiləndə şişkinlik və yuxu pozğunluğuna gətirib çıxarır. Səhər yeməyi və ya naharda qarpız-pendir yemək üçün ideal saatlardır.

Çiyələk, moruq, böyürtkən
Ən sevilən yaz bəhərlərindəndir. Lakin çəki probleminiz varsa, şəkəri yüksək olduğundan günorta və ya axşam hava qaralana qədər qatıq ilə birlikdə yemək daha xeyirdir.

Qaysı
Həm meyvəsi, həm də çəyirdəyi qiymətlidir. Acı çəyirdəyi dərman sənayesində, şirin çəyirdəyi isə həm çərəz olaraq, həm də qənnadı məhsullarında istifadə edilir. Qəbizliyə yaxşı təsir edir. Yenə səhər yeməyi üçün əlverişlidir, axşam isə qatıq ilə birgə istifadəni təklif edirəm.