Mütəxəssislər
qidalanma formasının yuxuya təsir etdiyini deyirlər. Elə isə rahat yuxu
üçün hansı qidaları yemək lazımdır? Rahat yuxunu təmin edən qidaların
siyahısını təqdim edir.
Karbohidratlar
Yulaf və
qara düyü kimi tam taxıllı qidalar qan şəkərini tarazlıqda saxlayaraq
enerjinin bədənə yavaş-yavaş yayılmasını təmin edir. Yatarkən də
bədəniniz və beyniniz qlükozaya ehtiyac duyur. Qlükoza səviyyəsi
düşdükdə adrenalin və kartizol kimi hormonlar ifraz edilir, bu isə sizi
oyandıra bilər.
Protein
Yaxşı bir
gecə yuxusu üçün ət, balıq, lobya, mərci, çərəzlər kimi zülal baxımından
zəngin qidalar yeyilməlidir. Çəkinizdəki hər kiloqram üçün 1 qram zülal
yeməlisiniz. Məsələn, 50 kilo çəkisi olan bir qadın 50 qram zülal
yeməlidir. Lakin həzmi çətin olan yüksək zülallı qidaları yatana yaxın
yemək məsləhət deyil.
Balqabaq tumu
Maqnezium
baxımından zəngin olan balqabaq tumu bədəninizdəki əzələ liflərini
rahatlaşdıraraq, gözəl bir yuxuya imkan verir. Həkimlər gündə 2 qaşıq
balqabaq tumu yeməyi məsləhət görür.
Hindistan qozu suyu
Axşam
içəcəyiniz bir stəkan hindistan qozu suyu rahat yuxuya səbəb ola bilər.
Kalium, kalsium, maqnezium, fosfor və natrium tərkibi ilə əzələlərinizi
rahatlaşdırar, yuxunuzun pozulmasına mane olar.
Gilas
Gilasda az miqdarda olan melatonin hormonu yuxunu tənzimləməyə kömək olur, yuxu müddətini artırır.
Sink
Bir çox
digər dəniz məhsulları, tam taxıllı qidalar, çərəzlərdə olan sink də
yuxuya köməkçidir. Eyni zamanda sink tritofanin, serotonin və melatonin
üçün lazımlıdır.
Hinduşka
Hinduşkada
yüksək miqdarda olan tritofan yuxunu asanlaşdırır. Bununla yanaşı, sink
və B6 vitamini qaynağıdır. Lakin axşamlar yedikdə narahatlıq yarada
bilər, ona görə də gündüz yeməniz daha yaxşıdır.
Maqnezium
Qara
buğda, balqabaq tumu, dəniz məhsulları, yaşıl yarpaqlı tərəvəzlər və
quru meyvələr maqnezium qaynağıdır. Maqnezium əzələləri rahatlaşdıran
təbii bir sakitləşdirici rolunu oynayır. Maqnezium çatışmazlığı
yuxusuzluq problemi yaradır.
Bitki çayları
Çobanyastığı
başda olmaqla bir çox bitki çaylarını gecə yatmazdan əvvəl içdikdə
rahat yuxuya getməyinizə şərait yaradacaq. Bitki çayları əsəbləri və
əzələləri rahatlaşdıraraq, yuxunu asanlaşdırır.