Zamanım addımlamır,
Əqrəblərim qırılıb.
İkinin yarısıyam,
Ürəyim ona qalıb.

Yetim qalmışam onsuz,
Möhtacam nəfəsinə.
İndi məni gecələr
Götürüb öhtəsinə.

Gözləyirəm nə vaxtsa,
Evi yadına düşə.
Alıb əşyalarını
Ürəyimə yerləşə.

Kaş ki, əlimi sıxa,
Məni sıxana qədər.
Həyatından çıxmaram
Canım çıxana qədər.

Hər şeyi unudaram,
Gəlsə getdiyi yerdən.
Təzə cığır açaram,
Yolun bitdiyi yerdən.

Mirşen Xeyal