Ləzzətli xurma Yaxın Şərq ölkələrində insanların əsas qida məhsullarından biridir. Qədim zamanlardan bəri insanlar ondan həm qida, həm də təbii dərman kimi istifadə ediblər. Tərkibində olan qida maddələrinə görə xurmanın sağlamlığa faydaları çoxdur.

Xurma beyinin sağlamlığını artırır. Onun tərkibindəki antioksidantlar beyini zərərli sərbəst radikalların yaratdığı iltihab və oksidləşdirici stresdən də qoruya bilər. Bu birləşmələrin olması yaşla əlaqəli zehni geriləmədən qorunmağa kömək edə bilər.

Xurmanın tərkibində həzmə kömək edən həm həll olunan, həm də həll olunmayan amin turşuları və lif mövcuddur. Xurma mədə-bağırsaq xəstəlikləri nəticəsində xroniki ishal səbəbindən kalium itkisini də doldurmağa kömək edir.

Bu meyvə sümük sağlamlığı üçün maqnezium, kalsium və bor ilə zəngindir. Xurma bu qidalar birlikdə sümükləri gücləndirməyə, osteoporoz və sümük xərçəngi kimi xəstəliklər riskini azaltmağa kömək edir. Xurmanın tərkibində sümük inkişafı üçün vacib olan selen, manqan və mis var.